Irwanda

Perezida Kagame yahuye na Macron, Netanyahu na Minisitiri w’Intebe w’Ububilig munteko rusange ya UN







Mu ruzinduko Perezida Kagame yatangiye mu mpera z’icyumweru gishize, yahuye n’abayobozi b’ibihugu batandukanye ariko by’umwihariko guhura na Perezida w’Ubufaransa ni byo byagarutsweho cyane.

Ibyo biterwa n’amateka ahuje ibihugu byombi, cyane cyane kubera uruhare u Rwanda rushinja Ubufaransa muri Jenoside yakorewe Abatutsi mu 1994 igahitana abarenga miliyoni.

Mu matora aherutse muri icyo gihugu cy’Ubufaransa , Perezida Kagame yatangaje ko yizera ko uyu muyobozi ukiri muto kandi ufite imyumvire itandukanye n’iy’abamubanjirije hari icyo azahindura ku byagiye bikorwa mbere ye.

Yagize ati "Hari ikintu gishya dutegereje kuri Perezida Macron, kwihutira gushyiraho imikorere mishya no gushyira iherezo ku myaka ishize y’urujijo."

N’ubwo Perezida Macron we atarerura ngo avuge k’u Rwanda, ariko bimwe mu byo yatangaje bisa n’ibitanga icyizere cy’uko afata ahashize h’Ubufaransa muri Afurika.

Kuri iyi nshuro, ibiganiro byabahuje byari bigamije ahanini kureba ku bibazo bibangamira amahoro n’umutekano muri Afurika.

Mu bandi bagiranye ibiganiro na Perezida Kagame, harimo Minisitiri w’Intebe wa Isiraheli na Minisitiri w’Intebe w’Ububiligi.



Perezida Kagame na Perezida Emmanuel Jean-muri Frédéric Macron w’Ubufaransa(Ifoto/UrugwiroVillage)



Ibiro bya Perezida Kagame byatangaje ko Abakuru b’Ibihugu byombi mu biganiro byabo bagarutse ku mikoranire ku bibazo bihangayikishije impande zombi birimo amahoro n’umutekano muri Afurika.

Ibiro bya Perezida Kagame kandi byatangaje ko umukuru w’igihugu yahuye na Charles Michel, Minisitiri w’Intebe w’Ububiligi.


Perezida Kagame aganira na Charles Michel, Minisitiri w’Intebe w’Ububiligi.(Ifoto/Urugwiro Village)



Yahuye kandi na Minisitiri w’Intebe wa Isiraheli Benjamin Netanyahu.

Perezida Kagame asuhuzanya na Minisitiri w’Intebe wa Isiraheli Benjamin Netanyahu (Ifoto/Urugwiro Village)





Minisitiri w’Intebe wa Israel, Benjamin Netanyahu aheruka mu Rwanda muri Nyakanga umwaka ushize ubwo yagendereraga ibihugu bitandukanye muri Afurika.




387 Views

Kwamamaza

Sponsored Content

Tip! #RW

Julia Mukankusi and we others DotRW offering Web Hosting, VPS, Domain Name, Premium SEO, link building, web development and AdWords. Learn more about our services .

IBITEKEREZO

TANGA IGITEKEREZO

AMAZINA
E-MAIL
ANDIKA ICYO UTEKEREZA KURI IYI NKURU


#Amakuru #Hanze #Imikino #PaulKagame

Sponsored Content