Irwanda

Menya agashya iPhone 8 igiye gushyirwa ku isoko yihariye







Uruganda rukora ibikoresho by’ikoranabuhanga birimo mudasobwa na telefone zigezweho rwa Apple Inc rwo muri leta zunzu ubumwe z'America. rugiye gushyira ku isoko iPhone nshya izaba ifite umwihariko kuko kuyifungura bizajya bisaba kwifashisha isura ya nyirayo.

Iyi telefone izaba yifitemo ubushobozi bwo kumenya isura ya nyirayo mu gihe ayirebyemo maze mu kanya nk’ako guhumbya, igahita ifunguka.


Bloomberg yatangaje ko iyi telefone izaba ifite uburyo bwo gusuzuma isura y’umuntu ikoresheje igipimo runaka (3-D face scanner), aka gashya kazaba ari umwihariko wayo. Ibihuha by’uko uruganda rwa Apple ruri gukora uburyo bwo kumenya isura ya nyiri telefone byari bimaze igihe bizenguruka ku mbuga nyinshi nubwo bitari bifitiwe gihamya. Hari abagifite impungenge ku mikorere y’iri koranabuhanga ryo gufunga no gufungura telefone wifashishije isura bitewe n’uko ryageragejwe kenshi nyamara ntirikunde.

Sosiyete nka Samsung yagerageje kurikoresha gusa ryaciwe intege n’uko ritabashaga kumenya isura byihuse ndetse ritari ryizewe cyane nk’uburyo wakoresha urinda telefone yawe.

Raporo zivuga kuri iyi telefone zigaragaza ko iyi iPhone yo izaba yihuta mu kumenya isura ya nyirayo ndetse ikazajya ibikora ku buryo bw’ibanga kandi bwizewe. Izaba kandi yifitemo utundi dushya tutigeze tuba muri iPhone zatambutse nka Camera iyiha ububasha bwo kubona ahantu hijimye ndetse izaba ifite n’uburyo bufasha gusubiza (processors) zituma ibasha kumenya amasura y’abantu niyo yaba itambitse.

Apple kandi irateganya kwibanda ku misusire mishya ndetse n’izindi mpinduka ikora kuri telefone zayo nko guhindura ikoranabuhanga rikoresha ikirahuri cya telefone mu rwego rwo kurushaho kwigarurira isoko.

Izi telefone biteganyijwe ko zizashyirwa hanze muri Nzeri hagati ya tariki 5-6 mu gihe ibikorwa byo kuzicuruza bizatangira mu cyumweru kizakurikiraho. Bivugwa ko ishobora kugurishwa agera kuri $1,400.

Apple ishobora gusohora icyarimwe telefone eshatu zirimo iPhone 7s na 7s Plus ndetse na iPhone 8 ifatwa nk’ifite umwihariko wo kwinjiza umuriro idakoresheje umugozi (wireless charging).




127 Views

Kwamamaza

Sponsored Content

Tip! #RW

Julia Mukankusi and we others DotRW offering Web Hosting, VPS, Domain Name, Premium SEO, link building, web development and AdWords. Learn more about our services .

IBITEKEREZO

TANGA IGITEKEREZO

AMAZINA
E-MAIL
ANDIKA ICYO UTEKEREZA KURI IYI NKURU


#Amakuru #Hanze #Imikino #PaulKagame

Sponsored Content